ضلع کپوارہ کے بٹہ گنڈ ماور میں خستہ حال پل کی مرمت نہ ہونے سے عوام کے اندر انتظامیہ کی تئیں ناراضگی ہے۔ جس کے خلاف بی جے پی رہنما جاوید قریشی کی قیادت میں احتجاج کیا گیا۔ گھنٹوں کے احتجاج کے بعد ضلع ترقیاتی کمشنر کی یقین دہانی کے بعد احتجاج ختم کیا گیا۔
ویڈیو دیکھیے
نالہ ماور پر بنائے گئے پل کو رواں سال کے مارچ مہینے میں سیلاب سے سخت نقصان پہنچ چکا ہے، جس کی وجہ سے پل گاڑیوں کی آمد و رفت کے قابل نہیں رہا اور قریب 7 ہزار کی آبادی کو پل کی عدم دستیابی کی وجہ سے سخت مشکلات کا سامنا کرنا پڑتا ہے۔
مقامی لوگوں کا کہنا ہے کہ کئی بار معاملہ ضلع انتظامیہ کی نوٹس میں لایا گیا لیکن تا حال پل کی مرمت نہیں کی گئی۔ ہفتہ کے روز مقامی لوگو ں نے بی جے پی رہنما جاوید قریشی کی سر براہی میں بٹہ گنڈ بازار میں احتجاج کیا۔