ہندواڑہ میں مرحوم منظور احمد کرمانی کی یاد میں تقریب کا انعقاد

اس تقریب میں چیف ایجوکیشن آفیسر کپواڑہ عبد الحمید فانی نے مہمان خصوصی کے طور پر شرکت کی۔ پروگرام کی صدارت مفتی اعظم جموں کشمیر ناصر الاسلام نے کی۔

ضلع کپواڑہ کے ہندواڑہ میں آج تابندہ میموریل سوسائٹی اور بنگس ویلی سٹیل ٹریڈریس اینڈ بنگس ویلی سٹیل انڈسٹری کے اشتراک سے ٹاون ہال میں مرحوم مولوی منظور احمد کرمانی کی یاد میں تقریب کا اہتمام کیا گیا۔

اس تقریب کی صدارت مفتی اعظم جموں و کشمیر ناصر الاسلام نے کی اور تقریب میں مہمانِ خصوصی کے فرائض چیف ایجوکیشن افسر کپواڑہ عبد الحمید فانی نے انجام دیے۔

تقریباً میں مرحوم مولوی منظور احمد کرمانی کی زندگی پر روشنی ڈالی گئی۔ مفتی اعظم جموں و کشمیر ناصر الاسلام نے اپنے خطبے کے دوران اپنے قریبی ساتھی مرحوم مولوی منظور احمد کرمانی کے نام پر ہندواڑہ میں ایک ٹرسٹ کھولنے کا اعلان کیا۔ اس ٹرسٹ کی چیئرپرسن مولوی منظور احمد کرمانی کی صاحب زادی ہوں گی اور ٹرسٹ کا مقصد خواتین کو تحفظ، تعلیم و تربیت فراہم کرنا ہے'۔

انہوں نے تابندہ میموریئل سوسائٹی کے ممبران کو بھی اس طرح کی تقریب کا اہتمام کرنے پر شکریہ ادا کیا۔

اس دوران تابندہ میموریئل سوسائٹی ہندواڑہ اور بنگس ویلی سٹیل انڈسٹری کی طرف سے کئی یتیم ضرورت مند طلبہ میں وردی اور کتابیں تقسیم کی گئیں اور حالیہ نیٹ-جے ای ای اور بارہویں جماعت میں بہتر کارکردگی کا مظاہرہ کرنے والے طلبہ کو کتابیں اور بنگس ویلی کی طرف سے نقدی انعامات تقسیم کئے گئے۔