کپواڑہ: جموں کے مژھل سیکٹر میں معمول کی گشت کے دوران جونیئر کمیشنڈ آفیسر پر مشتمل ایک گشتی پارٹی کی گاڑی سڑک پر برف کی وجہ سے پھسل کر گہری کھائی میں جا گری جس کے باعث تین فوجی اہلکار ہلاک ہوگئے۔ چنار کارپس کے مطابق تینوں فوجی اہلکاروں کی نعشیں باہر نکال لی گئی ہیں۔ Army Soldiers die in Kupwara Incident
فوجی ذرائع کے مطابق یہ واقعہ مژھل میں اس وقت پیش آیا جب یہ تینوں فوجی جوان برف سے ڈھکے ایک ٹریک سے گذر رہے تھے۔ واقعے کے متعلق جانکاری فراہم کرتے ہوئے چنار کور نے اپنے ایک ٹویٹ میں کہا: ’یہ واقعہ مژھل سیکٹر میں پیش آیا‘۔
ٹویٹ میں کہا گیا ’اگلے علاقوں کے آپریشن کے دوران ایک جے او سی اور دو اہلکاروں پر مشتمل ایک پارٹی پھسل کر گہری کھائی میں جا گری تینوں فوجی جوانوں کی لاشوں کو بازیاب کیا گیا ہے‘۔