سابق وزیر چودھری رمضان کے والد کا انتقال

نیشنل کانفرنس کے سینیئر لیڈر اور سابق کابینی وزیر چودھری محمد رمضان کے والد کا انتقال ہوگیا۔ ان کی نماز جنازہ میں پارٹی کے سینیئر رہنماؤں نے شرکت کی اور انہیں نم آنکھوں سے الوداع کہا۔

تفصیلات کے مطابق حاجی غلام احمد چودھری مختصر علالت کے بعد سرینگر میں واقع اپنی رہائشی گاہ میں انتقال کرگئے۔

مرحوم کے نماز جنازہ میں نیشنل کانفرنس کے صدر ڈاکٹر فاروق عبداللہ اور عمر عبداللہ کے علاوہ پارٹی کے دیگر لیڈران بشمول ناصر اسلم وانی، تنویر صادق، قیصر جمشید لون، سیف اللہ میر، شریف الدین شارق کے علاوہ دیگر لیڈروں نے شرکت کی۔

مختلف سماجی سیاسی اور تجارتی انجمنوں سے وابستہ لوگوں نے چودھری رمضان کے اہل خانہ کے ساتھ تعزیت کی اور متوفی کے حق میں دعائے مغفرت کی۔