موسلا دھار بارشوں کے سبب قصبہ ہندواڑہ میں مختلف رہائشی مکانات کے علاوہ ماور علاقے میں پل کو بھی جزوی نقصان پہنچا ہے۔ ڈی سی کپواڑہ نے متاثرہ علاقوں کا دورہ کر کے صورتحال کا جائزہ لیا۔
ڈی سی کپوارہ نے قصبہ ہندوارہ کے بری پوری، چوگل، کلنگام، ماور سمیت واری پورہ کے علاقوں کا دورہ کرکے بارشوں سے ہوئے نقصان کا جائزہ لیا۔
ڈی سی کپوارہ نے ماور علاقے میں پل کو ہوئے نقصان کا جائزہ لیتے ہوئے محکمہ تعمیرات عامہ کو فوری طور پل کی مرمت کرنے کے احکامات صادر کیے۔
انہوں نے مزید کہا کہ بارش کے سبب رہائشی مکانات کو ہوئے نقصان کا جائزہ لینے کے بعد متاثرہ افراد کی امداد کی بھی یقین دہائی کی۔
قابل ذکر ہے کہ وادئ کشمیر میں گذشتہ دنوں ہوئی موسلا دھار بارش کے سبب نشیبی علاقوں کی سڑکیں اور مختلف مکانات زیر آب آگئے۔ وہیں، پہاڑی علاقوں میں زمین کھسکنے کے واقعات بھی رونما ہوئے۔