کپوارہ میں ریچھ نے دس بھیڑوں کو ہلاک کیا

وائلڈ لائف اہلکار نے دونوں واقعات کی تصدیق کر کے بتایا کہ اس جنگلی جانور کو پکڑنے کے لئے پنجرا لگایا گیا ہے۔

شمالی کشمیر کے ضلع کپوارہ کے سب ضلع ہندوارہ کے ایک دوردارز بانڈی مونبل نامی گاوں میں گذشتہ روز ایک ریچھ نے دس بھیڑوں کو ہلاک اور کم از کم دیگر دو درجن کو زخمی کردیا۔

موصولہ اطلاعات کے مطابق ایک ریچھ نے محمد اسماعیل نامی شخص کے گئو خانے کے اندر گھس کر تقریباً دس بھیڑوں کی چیرپھاڑ کر کے انہیں ہلاک کر دیا جبکہ یہ ریچھ اس دوران محمد بہروال کے گئو خانے میں داخل ہوا اور اس کی کم از کم چار بھیڑوں کو ہلاک کیا جبکہ 10 دیگر کو زخمی کردیا۔

وائلڈ لائف اہلکار نے دونوں واقعات کی تصدیق کر کے بتایا کہ اس جنگلی جانور کو پکڑنے کے لئے پنجرا لگایا گیا ہے۔

وہیں متاثرہ افراد نے حکومت سے اپیل کی ہے کہ ان کی مالی معاونت کی جائے۔