سڑک کی خستہ حالی سے عوام پریشان

گنا پورہ لوکی پورہ سڑک کی خستہ حالی کی وجہ سے لوگوں کو سخت مشکلات کا سامنا حکام سے توجہ کی اپیل۔

ریاست جموں و کشمیر کے ضلع کپوارہ کے لنگیٹ تحصیل کے گنا پورہ اور لوکی پورہ نامی گاوں کی رابطہ سڑک پر سست رفتاری سے کام چلنے کے باعث لوگوں کو شدید مشکلات کا سامنا ہے۔

مقامی لوگوں نے آج پی ایم جی ایس ایس وائی کے خلاف سخت ناراضگی کا اظہار کیا اور کہا کہ پچھلے تین سالوں سے سڑک مذکورہ پر سست رفتاری سے چل رہے کام کی وجہ سے علاقہ کے لوگ شدید مشکلات کا سامنا کررہے ہیں۔

مقامی لوگوں کا کہنا ہے کہ پچھلے تین سالوں سے سڑک پر کام چل رہا ہے لیکن تین سال گزرنے کے باوجود بھی سڑک پر دس فیصد کا کام برابر نہیں ہوا ہے سڑک کی خستہ حالی کی وجہ سے لوگوں کو شدید دقتوں کا سامنا کرنا پڑرہا ہے۔

انہوں نے گورنر انتظامیہ اور ضلع انتظامیہ سے مطالبہ کیا ہے کہ سڑک پر دھیان دیکر اس پر 6کروڑ روپے کا ٹھیکداروں کا حساب لیا جائے۔