کپوارڑہ میں احکامات کی خلاف ورزی پر متعدد دکانیں سیل

کورونا گائیڈ لائنز کا لحاظ نہ کرنے اور لاک ڈاؤن کی خلاف ورزی کرنے پر کپواڑہ میں ایک درجن دکانوں کو سربمہر کر دیا گیا۔

ڈپٹی کمشنر کپواڑہ امام الدین کی ہدایت پر آج نائب تحصیلدار کپواڑہ، ایس ایچ او کپواڑہ کی نگرانی میں ایک چیکنگ ٹیم نے ایک درجن دکانوں کو سیل کردیا۔

تفصیلات کے مطابق یہ دکاندار دکانوں کے شٹر بند کر کے اندر بیٹھ کر اپنا کاروبار چلا رہے تھے جو انتظامیہ کے احکامات کی خلاف ورزی ہے۔

انتظامیہ نے ان دکانوں کے شٹر کھول کر دکانوں سے کئی افراد کو نکالا اور ان تمام افراد کو گرفتار کر کے دکانوں کو بھی سیل کر دیا۔

ان میں تانبے، سونے اور کپڑے کی دکانیں شامل ہیں۔ اس موقع پر انتظامیہ نے کارروائی کرتے ہوئے ایک درجن دکانوں کو سیل کیا۔