کولگام: بی جے پی سے وابستہ تین کارکن مستعفی

تینوں کارکنوں نے اپنے ایک تحریر میں کہا کہ آج سے وہ کسی بھی سیاسی جماعت سے وابستہ نہیں ہے اور نہ ہی وہ مستقبل میں کسی جماعت کا حصہ ہونگے۔ انہوں نے لوگوں سے معافی مانگی ہے۔

جموں و کشمیر بالخصوص کشمیر میں بندوق برداروں کی جانب سے سیاسی کارکنوں و پنچ و سرپنچ ممبران پر حملوں کا سلسلہ جاری ہے۔ گذشتہ شب کولگام ضلع کے آکھرن دیوسر میں مبینہ عسکریت پسندوں نے بی جے پی سے وابستہ عارف احمد نامی پنچ ممبر پر گولیاں چلائیں جس کے نتیجے میں وہ شدید زخمی ہوا اور اس وقت صورہ میڈیکل انسٹی ٹیوٹ سرینگر میں زیر علاج ہے۔

عسکریت پسندوں کی جانب سے سیاسی کارکنوں کو ہلاک یا زخمی کرنے کے تناظر میں کولگام ضلع کے کنڈ دیوسر سے تعلق رکھنے والے بی جے پی سے وابستہ دیوسر حلقہ انتخاب کے کارکنوں جن کے نام سبزار احمد پڈر ولد عبدالستار پڈر ساکنہ واری پورہ کنڈ، نثار احمد وانی ولد عبدالغنی وانی ساکنہ ہاکرن کنڈ اور عاشق حسین پالا ولد محمد عبداللہ پالا ساکنہ واری پورہ کنڈ نے آج اپنا استعفیٰ پیش کیا ہے۔

تینوں کارکنوں نے اپنے ایک تحریر میں کہا کہ آج سے وہ کسی بھی سیاسی جماعت سے وابستہ نہیں ہے اور نہ ہی وہ مستقبل میں کسی جماعت کا حصہ ہونگے۔ انہوں نے لوگوں سے معافی مانگی ہے۔

قابل ذکر ہے کہ وادی میں سیاسی کارکنوں کی جانب سے استعفیٰ پیش کرنا پہلا موقع نہیں ہے بلکہ ماضی میں بھی یہ سلسلہ جاری رہا ہے۔ حکومت کی جانب سے سیاسی کارکنوں کو معقول سیکورٹی فراہم کرنے کا بھی منصوبہ زیر غور ہے تاہم یہ بات صاف ہے کہ وادی میں موجود سیاسی کارکن، بلدیاتی ممبران و پنچایتی ممبران عدم تحفظ محسوس کر رہے ہیں۔