Solid Waste Management Programme in Shopian: شوپیان میں سالڈ ویسٹ مینجمنٹ سے متعلق بیداری پروگرام

جموں و کشمیر کے شوپیان میں سالڈ ویسٹ مینجمنٹ سے متعلق شعور بیداری پیدا کرنے کے مقصد سے ایک پروگرام منعقد کیا گیا جس میں لوگوں نے بڑی تعداد میں شرکت کی۔

شوپیان:جموں و کشمیر کی شوپیان ڈسٹرکٹ لیگل سروسز اتھارٹی نے میونسپل کونسل کے اشتراک سے ٹاؤن ہال شوپیان میں سالڈ ویسٹ مینجمنٹ کے متعلق ایک بیداری پروگرام منعقد کیا۔ تقریب کی صدارت ایکزیکٹیو آفیسر شوپیان نے کی جب کہ سیکریٹری میونسپل کونسل کی نگرانی میں تقریب کا انعقاد عمل میں آیا۔ اس پروگرام میں میونسپل کونسل کے افسران، ڈسٹرکٹ لیگل سروسز اتھارٹی کے عہدیدار اور دیگر شرکا نے شرکت کی۔

ایکزیکٹیو آفسر میونسپل کونسل شوپیان نے شرکا کو سالڈ ویسٹ مینجمنٹ کی اہمیت سے آگاہ کیا اور سالڈ ویسٹ سے متعلق دیگر مسائل پر روشنی ڈالی۔ انہوں نے ٹھوس فضلہ کو مناسب طریقے سے جمع کرنے، الگ کرنے اور اسے ٹھکانے لگانے کے بارے میں شرکا کو تفصیل سے آگاہ کیا۔