کولگام کورٹ کے احاطے میں ابھی بھی برف کے انبار

جنوبی کشمیر کے بیشتر قصبہ جات کی اہم شاہراہوں سے گرچہ انتظامیہ کی جانب سے برف ہٹائی گئی تاہم ابھی بھی کئی اہم مقامات سے برف کو پوری طرح صاف نہیں کیا گیا ہے۔

جنوبی کشمیر کے ضلع کولگام میں کورٹ کے احاطے سے برف کو ابھی تک صاف نہیں کیا گیا جس سے یہاں کام کرنے والوں خصوصا وکلاء کو کافی دقتوں کا سامنا کرنا پڑ رہا ہے۔

ضلع کی سڑکوں کے کنارے اور اندورون سڑکوں اور گلیوں میں ہنوز برف جمع ہونے کے سبب عوام کو پہلے ہی کافی دقتیں جھیلنی پڑ رہی ہے۔ تاہم کورٹ کے احاطے میں جمع برف کے حوالے سے وکلاء نے انتظامیہ کی شدید تنقید کی۔

ای ٹی وی بھارت کے ساتھ بات کرتے ہوئے وکلاء کا کہنا تھا کہ انہوں نے میونسپلٹی، محکمہ تعمیرات عامہ اور ضلع انتظامیہ سے بھی رجوع کیا، تاہم کورٹ کے احاطے سے ابھی تک برف ہٹانے میں سنجیدگی کا مظاہرہ نہیں کیا گیا۔

اس ضمن میں وکلاء نے انتظامیہ سے کورٹ کے احاطے میں جمع برف کو فور طور ہٹانے کا مطالبہ کیا ہے۔