ہماچل پردیش میں 6 کشمیری مزدور جاں بحق

پیر کی صبح ہماچل پردیش کے شملہ میں ایک گاڑی کھائی میں گرنے سے چھہ کشمیری مزدور ہلاک جبکہ 6 دیگر زخمی ہوئے ہیں۔ Accident in Himachal Pradesh

شملہ: پیر کی صبح شملہ ضلع کے سنی علاقہ میں ایک گاڑی ڈرائیور کے قابو سے باہر ہوکر کھائی میں جاگری۔ اس حادثہ میں چھ مزدور ہلاک جبکہ 6 دیگر زخمی ہوئے ہیں۔

تفصیلات کے مطابق پیر کی صبح ایک پک گاڑی زیر نمبر HP 63 A 0231 سنی علاقہ سے تقریباً 25 کلو میٹر دور کدر گھاٹ میں اچانک ڈرائیور کے قابو سے باہر ہوکر ایک کھائی میں جاگری۔ اس حادثہ میں چھ افراد ہلاک ہوگئے جبکہ 6 دیگر زخمی ہوئے ہے۔تمام زخمیوں کو علاج و معالجہ کے لیے اندرا گاندھی میڈیکل کالج ہسپتال پہنچایا گیا ہے جہاں ان کا علاج چل رہا ہے۔

وہیں پولیس کے مطابق حادثہ میں تین افراد نے موقع پر ہی دم توڑ دیا تھا جبکہ دیگر تین کو ڈاکٹروں نے ہسپتال لانے کے بعد مردہ قرار دے دیا۔

حادثہ میں ہلاک ہونے والوں کی شناخت 43 سالہ غلام حسن ولد جلال الدین، 24 سالہ فرید دیدڑ ولد گل دیدڑ،شبیر احمد ولد بشیر احمد،23 سالہ طالب ولد شفیع،30 سالہ گلزار ولد بشیر دیدڑ، 30 سالہ مشتاق ساکنان والٹینگو ناڑ کولگام کے بطور ہوئی ہے وہیں 6 زخمیوں میں تین کا تعلق کشمیر سے ہیں۔پولیس نے اس سلسلے میں کیس درج کرکے مزید تفتیش شروع کی ہے۔

وہیں اس واقعے پر ہماچل پردیش کے وزیر اعلیٰ سوکھوندر سنگھ نے گہرے دکھ کا اظہار کیا۔ انہوں نے ٹویٹ کرتے ہوئے کہا کہ شملہ ضلع کی سننی تحصیل میں آج ایک نجی گاڑی کے حادثے میں 6 مزدوروں کی موت واقع ہونے کی خبر ہے۔ سوگوار خاندانوں سے اظہار تعزیت کرتا ہوں۔ اس حادثہ میں 6 دیگر لوگ زخمی ہوئے جن کی جلد صحتیابی کے لیے دعا گواں ہوں۔ ضلع انتظامیہ کو ہدایات دی گئی ہیں کہ تمام زخمیوں کو بہتر علاج کی سہولت فراہم کی جائے''۔

پولیس نے اس سلسلے میں کیس درج کرکے مزید تفتیش شروع کی ہے۔

بتادیں کہ صوبہ جموں کے سرحدی ضلع ڈوڈہ میں15 نومبر کو پیش آئے ایک دلدوز سڑک حادثہ میں 38افراد ہلاک جب کہ 15 شدید زخمی ہو گئے تھے۔یہ حادثہ ایک مسافر بردار گاڑی کو پیش آیا تھا۔