کولگام میں نجی ہسپتال سیل

کولگام میں آج ضلع انتظامیہ کی جانب سے ایک مشترکہ ٹیم نے یہاں کے ایک نجی ہسپتال کو سیل کر دیا۔

تحصیلدار کولگام علی محمد نے بتایا کہ ایس او پی کی خلاف ورزی کرنے کی پاداش میں نجی ہسپتال کو سیل کر دیا گیا ہے۔

انہوں نے بتایا کہ ڈسٹرکٹ مجسٹریٹ اور چیف میڈیکل افسر کی اجازت کے بغیر نجی ہسپتال میں ایک خاتون کا آپریشن کیا گیا تھا، اور بعد ازاں اس مریضہ کا کورونا ٹیسٹ مثبت پایا گیا۔

علی محمد نے بتایا کہ ہسپتال عملے کو سرکاری قرنطینہ میں رکھا گیا ہے اور ہسپتال کو سیل کر دیا ہے۔ نجی ہسپتال انتظامیہ کو اگلے احکامات تک ہسپتال کو بند رکھنے کی ہدایات جاری کی گئی ہے۔