تفصیلات کے مطابق جی سی مرمو نے ضلع کے چولگام علاقے میں تعمیر ہو رہے آیوش ضلع اسپتال کا سنگ بنیاد رکھا اور اسکے بعد ڈاک بنگلہ کولگام میں آفیسران کی ایک میٹنگ کی صدارت کی۔
انہوں نے افسران کو ہدایت دی کہ وہ مختلف اسکیموں کی عمل آوری، تعمیراتی کاموں کو مکمل کرنے میں تیزی لائیں۔ لیفٹنٹ گورنر نے سماج، کاروبار، پی آر آئی اداروں اور کسانوں و باغبانی کے شعبوں نمائندوں کے وفود سے ملاقات کی اور انکے مسائل سنے۔
وہیں ان وفود نے لیفٹنٹ گورنر کا شکریہ ادا کیا اور امید ظاہر کی کہ انکے مسائل ترجیحی بنیادوں پر حل ہونگے۔ اس موقعہ پر ڈویژنل کمشنر کشمیر پی کے پولے، ڈی آئی جی جنوبی کشمیر، ڈی سی شوکت اعجاز بٹ کے علاوہ دیگر افسران موجود تھے۔
ادھر راجیہ سبھا ممبر نظیر احمد لاوے نے لیفٹنٹ گورنر کا شکریہ ادا کیا انہوں نے آیوش ہسپتال اور دیگر ترقیاتی کاموں میں پیش رفت کی سراہنا کی۔ لیفٹنٹ گورنر نے بعد میں ڈسٹرکٹ پولیس ہیڈکواٹر کولگام میں بھی پولیس اور دیگر سیکورٹی ایجنسیوں کے ساتھ میٹنگ کی اور موجودہ حالات کے حوالے سے جانکاری حاصل کی۔
