کولگام میں ہلاک شدہ پولیس اہلکار کو خراج عقیدت پیش

جنوبی کشمیر کے ضلع کولگام میں ہفتہ کی شام ہلاک شدہ پولیس اہلکار محمد امین دُکان سے افطاری کے لیے کھجور خرید رہا تھا جب عسکریت پسندوں نے حملہ کیا۔ حملے میں ان کی موقع پر ہی موت ہوئی۔

اطلاعات کے مطابق ضلع کولگام کی پولیس لائنز میں ایک تقریب کا انعقاد کیا گیا اور اس دوران ہلاک شدہ پولیس اہلکار کو خراج عقیدت پیش کیا گیا۔

تقریب میں پولیس افسران, ان کے اہلخانہ اور دیگر سیکیورٹی اہلکار موجود رہے اور ہلاک شدہ پولیس اہلکار کی لاش پر پھولوں کے مالا چھڑاگئی اور انہیں سلامی پیش کی گئی۔

کولگام کے فرسل یاری پورہ میں ہفتہ کی شام عسکریت پسندوں نے پولیس کی ایک ناکہ پارٹی کو نشانہ بناکر گرینیڈ داغا اور فائرنگ کی جس کے نتیجے میں پولیس ہیڈ کانسٹیبل محمد امین ہلاک ہو گئے۔

حملے کے فوراً بعد پولیس اور دیگر سیکورٹی فورسز نے علاقے کو محاصرے میں لیکر تلاشی آپریشن شروع کیا تھا، تاہم حملہ آور فرار ہونے میں کامیاب ہوگئے۔

پولیس ہیڈ کانسٹیبل ضلع پلوامہ کے رہنے والے تھے اور کولگام کے فرسل علاقے ڈیوٹی پر تعنیات تھے۔

محمد امین ایک دُکان سے افطاری کے لیے کھجور خرید رہا تھا جب عسکریت پسندوں نے اُس پر حملہ کیا۔ علاقے کے لوگوں نے بتایا کہ پولیس اہلکار مسجد میں بحثیت امام کے فرائض بھی انجام دیتے تھے۔