کولگام میں منشیات مہم جاری دو گرفتار

ایس ایچ او کولگام جاذب محمد کی قیادت میں پولیس ٹیم نے اوکے کولگام کے قریب ناکہ لگایا اور ایک الٹو کار سے ایک کوئنٹل فُکی ضبط کی۔

جموں و کشمیر کے ضلع کولگام کی پولیس نے منشیات مخالف مہم تیز کر دی ہے۔ یہاں ایک اہم کامیابی حاصل کرتے ہوئے پولیس نے دو منشیات فروشوں کو گرفتار کرنے کا دعویٰ کیا ہے۔

ملزمین کے پاس سے پولیس نے فُکی کی بھاری کھیپ برآمد کی ہے۔ ایس ایچ او کولگام جاذب محمد کی قیادت میں پولیس ٹیم نے اوکے کولگام کے قریب ناکہ لگایا اور ایک الٹو کار سے ایک کوئنٹل فُکی ضبط کی۔ اس سلسلے میں دو افراد کو گرفتار کیا گیا۔

پولیس نے شاہد احمد زرگر اور رفیق احمد بٹ نامی دو افراد کو اپنی تحویل میں لیا۔ تفیتش کے دوران اوکے میں ایک گھر کی تلاشی لی گئی جہاں سے خشخاش پیسنے والی دو مشینیں اور ایک جنریٹر ضبط کیا گیا۔ پولیس نے معاملے میں کیس درج کر کے مزید تحقیقات شروع کر دی ہے۔