کولگام: اہربل واٹر فال پر مزید توجہ کی ضرورت

جموں و کشمیر کے ضلع کولگام کے باشندوں کا کہنا ہے کہ محکمہ سیاحت اہربل واٹرفال کی جانب توجہ نہیں دے رہا ہے۔

کولگام کے لوگوں نے کہا کہ اہربل واٹرفال کی جانب توجہ دینے کی ضرورت ہے تاکہ زیادہ سے زیادہ سیاح یہاں آئیں اور لوگوں کو روزگار ملے۔

لوگوں نے کہا کہ اہربل واٹر فال محکمہ سیاحت کی توجہ کا منتظر ہے۔ انہوں نے ایل جی انتظامیہ سے اپیل کی ہے کہ اہربل کو بھی جموں و کشمیر کے دیگر سیاحتی مقامات کے طرح فروغ دیا جائے تاکہ یہاں ملک کے ساتھ ساتھ بیرونی ملک کے سیاح بھی آئیں اور مقامی لوگوں کو روزگار حاصل ہو۔

مقامی لوگوں نے کہا کہ اہربل ڈیولپمنٹ اتھارٹی یہاں کام کر رہی ہے لیکن دیگر سیاحتی مقامات کی طرح یہاں بھی انتظامات ہونے چاہئیں تاکہ سیاحت کو فروغ ملے۔

واضح رہے کہ کولگام ہیڈ کوارٹر سے 35 کلومیٹر دوری پر واقع اہربل واٹرفال قدرتی حسن سے مالامال ہے۔ گھنے جنگلات اور پانی کے جھرنے انسان کو اپنی جانب کھینچ لے جاتے ہیں۔