کھڈونی میں عسکریت پسند پولیس کانسٹیبل سے رائفل چھین کر فرار

پولیس کے مطابق پولیس کانسٹیبل مدثر احمد کولگام کے علاقہ دیوسر کا رہائشی ہے اور پولیس تھانہ وانپوہ میں تعینات ہے۔

اتوار کی سہ پہر نامعلوم عسکریت پسندوں نے جنوبی کشمیر کے ضلع کولگام میں پولیس اہلکار سے رائفل چھین لی۔

ایک سینئر پولیس عہدیدار نے بتایا "نامعلوم عسکریت پسندوں نے کھدونی کے علاقے شمسی پورہ کراسنگ پر پولیس کانسٹیبل مدثر احمد سے ایک اے کے 47 رائفل چھین لی۔"

انہوں نے مزید کہا "احمد کولگام کے علاقہ دیوسر کا رہائشی ہے اور پولیس تھانہ وانپوہ میں تعینات ہے۔"

ادھر پولیس نے علاقے کو گھیرے میں لے لیا ہے اور حملہ آوروں کی تلاش جاری ہے۔

اس سے قبل آج علی الصبح کولگام کے مونند علاقہ میں ایک تصادم پیش آیا جس میں ایک عسکریت پسند ہلاک ہو گیا۔