اپنی مدد آپ کے تحت کنڈ کولگام میں نوجوان محمد رفیق نے اس وقت ہمت و حوصلہ دکھایا جب علاقے میں کئی گھر برفیلے طوفان میں آگئے۔
محمد رفیق کے مطابق ان کے علاقے میں چند سال قبل ایک برفانی طوفان آیا تھا جس میں کئی جانیں بھی ضائع ہوئی تھیں۔
محمد رفیق کا کہنا ہے کہ اپنی مدد آپ کے تحت انسان کو چاہیے کہ وہ ایک دوسرے کی مدد کرے چونکہ صرف سرکار پر یہ ذمہ داری عائد نہیں ہوتی، لہذا انسان کو چاہیے کہ وہ ایسے حالات میں ایک دوسرے کی مدد کرے۔ یہ حوصلہ دیکھ کر علاقے کے دیگر نوجوان بھی رفیق کے ساتھ جڑ گئے۔
رفیق نے کہا کہ ضلع انتظامیہ کی جانب سے انہیں رضاکارانہ طور پر سامان بھی ملتا تھا جس میں جوتے، رسی و دیگر کئی سامان ملتا تھا مگر رواں سال نہیں ملا۔
ان کے مطابق انسان کو حوصلہ ہو تو کچھ بھی ممکن ہے۔ اس دوران ضلع انتظامیہ کی جانب سے کولگام کے دو الگ الگ مقامات پر کئی پھنسے ہوئے افراد کو محفوظ مقامات پر پہنچایا گیا۔