ناجائز تعمیرات کے خلاف انہدامی کارروائی

جنوبی کشمیر کے ضلع کولگام میں مونسپل کمیٹی اور محکمہ مال نے مشترکہ طور ناجائز تعمیرات کے خلاف انہدامی کارروائی کی۔

نمائندے کے مطابق انہدامی کارروائی کے تحت سرکاری زمین پر غیر قانونی طور تعمیر کیے گئے ڈھانچوں کو منہدم کرنے کے لیے میونسپل کمیٹی اور محکمہ مال کی جانب سے مشترکہ کارروائی کی گئی۔

انہدامی کارروائی کے دوران رخنہ ڈالنے کی کوشش کی گئی، تاہم پولیس کی بر وقت کارروائی کے سبب انہدامی مہم جاری رہی۔

اس دوران محکمہ مال کے ایک افسر پر خرد برد اور رشوت ستانی کا الزام بھی عائد کیا گیا، جس کا پولیس نے نوٹس لیتے ہوئے شکایت درج کرلی۔

انہدامی کارروائی کرنے والے افسران کے مطابق ناجائز تعمیرات کے خلاف ضلع بھر میں یہ مہم جاری رہے گی۔