کولگام: دیوسر میں خاتون پر مبینہ تشدد کرنے والا شوہر گرفتار

مرکزکے زیر انتظام جموں و کشمیر کے ضلع کولگام کے دیوسر میں خاتون کو مبینہ طور تشدد کا شکار بنانے والے شوہر کو پولیس نے گرفتار کر لیا ہے۔

جوزی جان زوجہ ہلال احمد شاہ نے زخمی حالت میں پولیس اسٹیشن پہنچ کر شکایت درج کرائی تھی۔ انہوں نے بتایا کہ شوہر نے انہیں تشدد کا شکار بنایا۔

پولیس نے زخمی خاتون کو فوری طور علاج معالجہ کے لئے ضلع اسپتال کولگام منتقل کیا۔

اس درمیان خاتون کا ویڈیو سوشل میڈیا پر وائرل ہوگیا، جس میں خاتون شوہر پر تشدد کا الزام لگا رہی ہے۔

پولیس نے معاملہ کی حساسیت کو مدنظر رکھتے ہوئے خاتون کے شوہر ہلال احمد شاہ کو گرفتار کرکے معاملہ کی نسبت کیس زیر دفعہ نمبر37/21 US 498A,309,109,323IPC کے تحت کیس درج کیا ہے۔