دو کنبے متصادم، زخمی خاتون ہلاک

قاضی گنڈ میں دو کنبوں کے درمیان آپسی جگڑے میں زخمی ہونے والی خاتون تین روز بعد اسپتال میں زندگی کی جنگ ہار گئی۔

ای ٹی وی بھارت کے نمائندے نے اس ضمن میں قاضی گنڈ سے تفصیلات فراہم کرتے ہوئے بتایا کہ تین روز قبل قاضی گنڈ کے شم پورہ علاقے میں دو کنبوں کے درمیان آپسی جھگڑا ہوا تھا اس دوران دونوں کنبوں نے ایک دوسرے پر تیز دھار ہتھیاروں سے حملہ کیا ۔

دو کنبوں کے درمیان آپسی جگڑا، خاتون ہلاک

حملہ میں ساجدہ بیگم زوجہ غلام محمد نامی خاتون شدید طور پر زخمی ہو گئی تھی، جس کو علاج و معالجہ کیلئے پہلے قاضی گنڈ اسپتال جہاں سے انہیں سکمز صورہ ریفر کیا گیا تھا ۔ سکمز صورہ میں تین روز تک زیر علاج رہنے کے بعد جمعرات کی صبح ساجدہ بیگم زندگی کی جنگ ہار گئی ۔

پولیس اسٹیشن قاضی گنڈ کے ایس ڈی پی او محمد شفیق نے خاتون کی موت کی تصدیق کرتے ہوئے بتایا کہ ضروری لوازمات کی ادائیگی کے بعد آخری رسومات کیلئے خاتون کو لواحقین کے سپردکیا گیا جبکہ اس ضمن میں ایک پہلے ہی درج کیا گیا کیس کی تحقیقات جاری ہے