کولگام: سی پی آئی (ایم) کی جانب سے جنوبی کشمیر South Kashmir کے ضلع کولگام کے ڈی کے مرگ، دمحال ہانجی پورہ علاقے میں پارٹی کارکنان کا ایک روزہ کنونشن منعقد کیا گیا۔ CPI (M) Holds Party Convention in Kulgam۔ یک روزہ کنونشن میں پارٹی کارکنان و لیڈران کی خاصی تعداد نے شرکت کی۔ دن بھر جاری رہنے والے میں پروگرام میں تقاریر و مباحثے کے دوران لیڈران نے سیاسی، سماجی و اقتصادی جہتوں سے متعلق مسائل پر تبادلۂ خیال کیا۔
کنونشن کے دوران حکومت پر زور دیا گیا کہ وہ انتخابات کے دوران عوام سے کئے گئے وعدوں کو عملی جامہ پہنائے۔ CPI (M) Convention in Kulgamکنونشن سے خطاب کرتے ہوئے، سی پی آئی (ایم) کے ریاستی جنرل سیکریٹری اور سابق ممبر اسمبلی کولگام ایم وائی تاریگامی نے کہا کہ ’’جہاں تک جموں و کشمیر کے لوگوں کی حالت زار کا تعلق ہے اس کے لیے حکومت ہند ذمہ دار ہے۔ بھاجپا کی زیر قیادت مرکزی سرکار گہری نیند میں ہے۔‘‘
تاریگامی نے مذہبی رواداری کے متعلق کہا: ’’یہاں ہندو مسلم بھائی چارہ کھبی بھی ختم نہیں ہوگا۔‘‘ میڈیا سے بات کرتے ہوے تاریگامی نے کہا کہ جمہوری طرز نظام اور آئین کے حقوق کے تحت جو ہم سے چھینا گیا اس کے لیے ہم جدو جہد جاری رکھیں گے۔ انہوں نے کہا کہ آج تک طاقت کے بل پر کچھ بھی حاصل نہیں کیا جا سکتا تاہم محبت اور امن سے جنگ کو ٹال کر فتح کے جھنڈے گاڑے جا سکتے ہیں۔