کولگام: محکمہ دیہی ترقیات پر بدعنوانی کا الزام

بی جے پی رہنما عابد حسین خان نے کولگام محکمہ دیہی ترقی کے کام کاج پر سوال کھڑا کرتے ہوئے محکمہ پر سرکاری بجٹ کو خرد برد کرنے کا الزام عائد کیا۔

بی جے پی رہنما و کولگام بی جے پی کے ضلع صدر عابد حسین خان نے محکمہ دیہی ترقیات کے کام کاج پر سوال اٹھاتے الزام عائد کیا کہ محکمہ نے ضلع کولگام میں 3 کروڑ 35 لاکھ روپے کا خرد بُرد کیا ہے۔ انہوں نے کہاکہ ایس بی ایم، پنچایت، آئی ڈبلیو ایم پی جیسے کاموں کے لیے دو دو بار پیسے نکالے گیے ہیں۔'

انہوں نے حکومت سے معاملے کی تحقیقات کا مطالبہ کیا ہے۔ ادھر محکمہ دیہی ترقی کے آفیسر نے بتایا کہ جو الزامات محکمہ کے کام کاج کے تعلق سے لگائے گیے ہیں، ان کی انکوائری کی جائے گی۔ انہوں نے کہا کہ معاملے کی جانکاری اعلیٰ حکام کو دی گئی ہے۔'