کولگام: بجلی کا جھٹکا لگنے سے ایک لڑکی کی موت

جنوبی کشمیر کے ضلع کولگام کے یاری پورہ کے علاقے میں ایک 14 برس کی لڑکی کی بجلی کا جھٹکا لگنے کے سبب موت ہوگئی۔

مقامی لوگوں نے بتایا کہ لڑکی اپنے گھر پر کچھ گھریلو کام کر رہی تھی کہ اچانک اسے بجلی کے جھٹکے لگے جس سے اس کی موقع پر ہی موت ہوگئی۔

انہوں نے بتایا کہ وہ آٹھویں جماعت کی طالبہ تھی۔

وہیں اس لڑکی کی شناخت مہرین مشتاق دختر مشتاق احمد گنائی بطور ہوئی ہے۔

لڑکی کی موت کی خبر کے بعد علاقے میں ہر طرف چیخ و پکار پھیل گئی۔

واضح رہے کہ اس سے قبل بھی کولگام میں بجلی کا جھٹکا لگنے سے محکمہ بجلی میں کام کر رہے عارضی ملازم کی بھی موت ہوئی تھی۔