جنوبی کشمیر کے علاقے کولگام کے کھل دمحال ہانجی پورہ کے علاقے میں قائم ایک اسکول میں 36 طلبا کووڈ 19 سے متاثر پائے گئے ہیں۔ وائرس سے متاثرہ طلبا کی عمر دو سے چودہ برس کے درمیان ہیں۔
مقامی تحصیلدار نے نمائندہ کو فون پر اس بات کی تصدیق کرتے ہوئے کہا کہ علاقے میں ایک نجی اسکول نورانی پبلک اسکول میں 36 بچوں کا کورونا ٹیسٹ مثبت آیا ہے۔ تحصیلدار کے مطابق اسکول ھٰذا میں 56 بچے زیر تعلیم ہیں جن میں سے 36 بچوں کا ٹیسٹ مثبت آیا ہے۔
انہوں نے کہا کہ طبی ٹیم علاقے کے لیے روانہ کر دی گئی ہے۔