Kishtwar Road Accident کشتواڑ سڑک حادثہ میں ایک ہلاک دو زخمی

پہاڑی ضلع کشتواڑ کے کیشوان علاقے میں پیش آئے سڑک حادثے میں ایک شخص کی موت واقع ہو گئی جبکہ دو دیگر شدید زخمی ہو گئے۔ One Killed 2 Injured during Road Accident in Kishtwar

کشتواڑ: ضلع کشتواڑ کے سرگوڑی، کیشوان میں ایک نجی گاڑی زیر رجسٹریشن نمبر JK02AA 1966 حادثے کا شکار ہو گئی۔ موصولہ اطلاعات کے مطابق کشتواڑ سے کیشوان کی طرف جا رہی گاڑی سرگواڑی نالہ کے قریب ڈرائیور کے قابو سے باہر ہو کر حادثے کا شکار ہو گئی، جس کے کے نتیجے میں تین افراد شدید زخمی ہو گئے۔ حادثے کی اطلاع ملتے ہی پولیس پوسٹ ٹھاکرائی کی ٹیم اور مقامی رضا کار موقع پر پہنچے اور بچاؤ کارروائی شروع کی۔ Kishtwar Road Accident 1 Killed 2 Injured

بچاؤ کاروائی کے دوران زخمی ہوئے تینوں مسافرین کو ضلع ہسپتال کشتواڑ منتقل کیا گیا۔ ضلع ہسپتال کشتواڑ پہنچتے ہی ساجن کمار ولد برج لال ساکنہ انجول ٹھاکرائی زخموں کی تاب نہ لاکر فوت ہو گئے۔ گاڑی میں سوار دو دیگر افراد - راہل شرما ولد اشونی کمار ساکنہ کیشوان، انکش کمار ولد ستیش کمار شدید زخمی ہو گئے ہیں جن کا ضلع ہسپتال کشتواڑ میں علاج و معالجہ کیا جا رہا ہے۔

واضح رہے کہ کشتواڑ کے ٹھاکرائی علاقے میں اس سے قبل بھی کئی دلخراش سڑک حادثے رونما ہو چکے ہیں، جن میں کئی جانیں تلف ہوئی ہیں۔ مقامی باشندوں نے الزام عائد کیا ہے کہ اکثر و بیشتر خستہ حال سڑکوں کے باعث ہی حادثات رونما ہوتے رہتے ہیں۔