کشتواڑ: جنم اشٹمی کے موقع پر سماجی فاصلہ برقرار رکھنے کی اپیل

کشتواڑ پولیس نے عوام سے رہنما خطوط کی پاسداری کرنے خصوصاً ماسک پہننے اور سماجی فاصلہ برقرار رکھنے کی اپیل کی۔

کشتواڑ پولیس کے ڈی وائی ایس پی، دھیرج سنگھ کٹوچ نے عوام خاص کر ہندو مذہب سے تعلق رکھنے والے عقیدت مندوں کو جنم اشٹمی کے موقع پر مبارک باد پیش کی ہے۔

انہوں نے عوام سے جنم اشٹمی کے موقع پر کورونا وائرس کے پھیلاؤ کو روکنے کے لیے وضع کیے گئے رہنما خطوط خصوصاً ماسک پہننے اور بھیڑ بھاڑ سے پرہیز کرنے کی تلقین کی۔

انہوں نے ضلع کے سرکوٹ، گوری شنکر مندر میں آئے عقیدت مندوں میں ماسک بھی تقسیم کیے۔ اس کے علاوہ انہوں نے عوام سے سماجی فاصلہ برقرار رکھنے کی بھی اپیل کی۔