کشتواڑ: پاکستان اور علیحدگی پسند کے خلاف مظاہرہ

جموں و کشمیر کے ضلع کشتواڑ میں بھارتیہ جنتا یوا مورچہ کی جانب سے پاکستان اور علیحدگی پسندوں کے خلاف سخت مظاہرہ کیا گیا۔

بھارتیہ جنتا یوا مورچہ کے ضلع صدر راکی گوسوامی کی زیر نگرانی میں بھارتیہ جنتا پارٹی کشتواڑ کے دفتر کے باہر جم کر احتجاج کیا گیا۔ راکی گوسوامی نے بتایا کہ یہ احتجاج کشمیر بانڈی پورا میں بھارتیہ جنتا پارٹی کے رہنماؤں کو عسکریت پسندوں کی جانب سے ہلاک کیے جانے کے خلاف ہے۔

احتجاج کر رہے لوگوں نے پاکستان کے خلاف نعرہ بازی کی۔ اس دوران بھارتیہ جنتا یوا مورچہ کے صدر نے کہا کہ 'لیفٹیننٹ گورنر جموں کشمیر کو چاہیے کہ سیکورٹی فورسز کو اور سخت ہدایت جاری کریں جس سے بھارتیہ جنتا پارٹی کے رہنماؤں کے قتل میں روک لگ سکے'۔

انہوں نے مزید کہا کہ عسکریت پسندوں کا صفایا کرنے کے لیے مرکز سرکار یعنی کہ بی جے پی حکومت نے آل آوٹ آپریشن شروع کیا ہے اور روزانہ عسکیت پسندوں کو مار گرانے میں سیکورٹی فورسز کامیاب ہوتے جا رہے ہیں۔