کشتواڑ کے بندرابن قومی شاہراہ سنتھن ، چھاترو ، ٹھاکراءی ،انجول ،کیشوان پکالن جانے والی سڑک پر محکمہ ٹریفک پولیس کے سب انسپکٹر محمد یعقوب وانی نے ٹریفک قوانین کی خلاف ورزی کرنے والوں پر سخت کاروائی کرتے ہوئے تین سو سے زائد چالان کاٹے۔ ٹریفک پولیس کے ایس او سب انسپکٹر محمد یعقوب وانی نے بتایا کہ کشتواڑ سنتھن قومی شاہراہ پر ڈرائیور طبقہ قانون کی خلاف ورزی کرتے ہوئے پائے گئے ہیں ان کو موقع پر ہی چالان کے ساتھ ساتھ ہدیات بھی دی گئی کہ قانون کی پاسداری کریں۔
کشتواڑ میں آج ٹریفک پولیس نے سنتھن قومی شاہراہ پر ناکہ لگایا۔ گاڑیوں میں سواریوں نے بھی شکایت کی کہ گاڑی چلانے والے اپنی من مرضی سے کرایا وصول کرتے ہیں۔ جس سے لوگوں کو گاڑیوں کا سفر کرنے میں پریشانیوں کا سامنا کرنا پڑتا ہے۔ اس حوالے سے ٹریفک پولیس کے سب انسپکٹر نے جانکاری دیتے ہوئے کہا کہ اس طرح کی کوئی بھی شکایت ہمارے پاس درج نہیں ہیں۔