راہل گاندھی آج کوزی کوڈ ایئرپورٹ پہنچے جہاں سے انہوں نے اپنے دو روزہ دورہ وائناڈ کا آغاز کیا۔ کانگریس رہنما وائناڈ لوک سبھا حلقہ سے رکن پارلیمنٹ ہیں۔
کانگریس رہنما راہل گاندھی یہ دورہ ریاست میں آئندہ اپریل اور مئی میں منعقد ہونے والے اسمبلی انتخابات کے تناظر میں کر رہے ہیں۔
قبل ازیں راہل گاندھی تمل ناڈو کی مغربی پٹی کے تین روزہ دورہ پر تھے جہاں انہوں نے کسانوں اور عوام سے بات چیت کی تھی۔
وائناڈ کے رکن پارلیمنٹ نے دورہ کے دوران اپریل ۔ مئی میں ہونے والے تمل ناڈو اسمبلی انتخابات میں ڈی ایم کے، کے ساتھ کانگریس اتحاد پر بھی بات چیت کی اور اتحاد پر مکمل اعتماد کا اظہار کیا۔
انہوں نے کہا کہ تمل ناڈو میں اتحاد کا مقصد آر ایس ایس کے نظریہ کو ریاست میں پروان چڑھنے سے روکنا ہے۔ تمل ناڈو کی ریاستی حکومت کو وزیراعظم نریندر مودی ریموٹ کنٹرول کے ذریعہ کنٹرول کر رہے ہیں۔ انہوں نے کہا کہ ریموٹ کنٹرول کی بیٹریاں نکال لیں گے اور اسے پھینک دیں گے۔