قومی تفتیشی ایجنسی کیرل سونے کی اسمگلنگ کیس سے متعلق سینئر آئی اے ایس افسر ایم سیواسنکر سے پوچھ گچھ کررہی ہے۔ سفارتی سامان کے ذریعہ سونے کی اسمگلنگ کی کوشش سے متعلق، الزامات کے منظر عام پر آنے کے بعد انھیں تمام عہدوں سے ہٹا دیا گیا ہے، اس معاملے کی ملزم خاتون سے ان کے روابط بتائے گئے۔
سونے کی اسمگلنگ کیس سے متعلق نیشنل انویسٹی گیشن ایجنسی (این آئی اے) کے عہدیداروں کی معطل سینئر آئی اے ایس افسر ایم سیواسنکر سے پوچھ گچھ کی جارہی ہے۔
سیواسنکر کو آج شام تحقیقات ایجنسی نے نوٹس پیش کیا اور اس کے فوری بعد، آئی ٹی کے سابق سکریٹری کو پیرورکاڈا پولیس کلب میں پیش کیا گیا۔ سونے کی اسمگلنگ کیس کے کچھ ملزموں سے ان کے قریبی تعلقات منظر عام پر آنے کے بعد، سیواسنکر کو وزیراعلیٰ پنارائی وجین پرنسپل سیکرٹری کے عہدے سے ہٹا دیا گیا تھا۔ اوربعد میں آئی ٹی سکریٹری کے عہدے سے بھی معطل کیا گیا۔
اس کیس کے ملزم سریت کے بیان کے مطابق، شیواسنکر نے سونے کی اسمگلنگ کیس میں اہم کردار ادا کیا تھا۔ سینئر بیوروکریٹ سے کسٹم افسران نے پوچھ گچھ کی تھی، جس کی تحقیقات ابھی جاری ہیں۔