کوزی کوڈ میں مقیم مسلم ایجوکیشن سوسائٹی کے تحت کیرالہ کے مختلف علاقوں میں چلنے والے تعلیمی اداروں میں چہرے کو ڈھکنے سے منع کیا گیا ہے۔
مسلم ایجوکیشن سوسائٹی (ایم ای ایس ) نے ہدایات جاری کی ہیں کہ اُن کی سوسائٹی کے تحت آنے والے تعلیمی اداروں میں اساتذہ اور طلبا کو چہرہ ڈھکنے کی اجازت نہیں دی جائے گی۔
ایم ای ایس کے صدر پی کے فضل غفور نے آئندہ تعلیمی سال سے اس حکمنامے کو نافذ کرنے کی ہدایت دی ہے۔
اُن کے اس فیصلے کی قدامت پرست مسلمانو ن کی جانب سے سخت مُخالفت کی جارہی ہے، تاہم وہ اپنے فیصلے پر قائم ہیں اور اداروں کے اعلیٰ حکام اس بات کو یقینی بنانے کی ہدایت دی ہے کہ کوئی نقاب میں تعلیمی ادارے میں نہ آئے۔
فضل غفور نے میڈیا سے بات کرتے ہوئے کہا کہ ہائی کورٹ کے مطابق کسی بھی ادارے یا تنظیم کو ایک ڈریس کوڈ چُننے کا حق ہے۔اور اس حکمنامے پر عمل کرتے ہو ئے ہم اپنے اداروں میں چہرے کو ڈھکنے کی اجازت نہیں دیں گے۔