ریاض نے منگل کے روز یہاں صحافیوں سے کہا کہ افسران اس مسئلے پر ایک خصوصی میٹنگ بلائیں گے اور کووڈ-19 کی موجودہ لہر کے کم ہونے کے بعد منصوبے کو آگے بڑھایا جائے گا۔
انہوں نے بتایا کہ گائیڈ سمیت ریاست کے سیاحتی اہلکاروں کی ٹیکہ کاری کا کام جلد ہی پورا ہو جائے گا۔ انہوں نے ساؤتھ بیچ کا ذکر کرتے ہوئے کہا کہ اس کے نشاۃ ثانیہ کے لیے متعلقہ محکموں سے غور و خوض کرکے جدید کاری پروجیکٹ کا خاکہ تیار کیا جائے گا۔
وزیر نے حالیہ سیاحتی پروجیکٹ جیسے بیت الخلاء اور تیرے کوتھمبلم کی ترقی پر غور و خوض کیا۔
قبل ازیں انہوں نے ضلع ایرناکُلم کے پہاڑی علاقوں میں سڑک تعمیر کے سلسلے میں ایک میٹنگ کی صدارت کی۔ انہوں نے کہا کہ اس علاقے میں کئی مرکز ہیں جو سیاحت کو فروغ دے سکتے ہیں۔
ضلع کوچی سے 35 کلو میٹر شمال مشرق واقع پٹّیمَٹّم کے گیسٹ ہاؤس میں میٹنگ کے بعد مسٹر ریاض نے کہا کہ اضلاع کے افسر سیاحتی مقامات کو نئی زندگی دینے کی کوشش کر رہے ہیں، کیونکہ یہ شعبہ وبا سے بری طرح متاثر ہوا ہے۔
انہوں نے کہا کہ قریب کے کِجھاکّلمبلم میں کدبرائر بوٹنگ سینٹر اور ایکو ولیج کے مسائل کو جلد سے جلد حل کیا جائے گا۔
انہوں نے کہا کہ ضلع ایرناکُلم میں سیاحت کے وسیع امکانات ہیں کیونکہ اس میں نیدُنبسّیری میں کوچی انٹرنیشنل ایئرپورٹ بھی ہے۔ ضلع میں کئی جگہیں ہیں اور وبا ختم ہونے کے بعد غیرملکی سیاح یہاں آ سکتے ہیں۔
انہوں نے بتایا کہ موجودہ وقت میں افسر گھریلو مسافروں کو لبھانے کے لیے ان سیاحتی مقامات کے درمیان کنیکٹیوِٹی کو بہتر بنانے کا کام کر رہے ہیں۔
یو این آئی
