کیرالا میں کٹھل پھل گرنے سے زخمی شخص کورونا مثبت پایا گیا

ریاست کیرالا کے کنور میں ایک شخص، کٹھل پھل (جیک فروٹ) گرنے کی وجہ سے شدید طور پر زخمی ہوگیا جس کے بعد اسے اسپتال لے جایا گیا۔

بیلور کے کاسرگوڈ سے تعلق رکھنے والے ایک شخص کو ریڑھ کی ہڈی میں چوٹ لگنے کے بعد ہسپتال میں شریک کیا گیا تھا جبکہ وہ جیک فروٹ گرنے سے شدید طور پر زخمی ہوگیا تھا۔

زخمی شخص کو پریارام ہسپتال میں شریک کیا گیا جہاں اس کا کورونا ٹسٹ مثبت پایا گیا۔

پریارام ہسپتال میں زخمی شخص کی سرجری کےلیے تیاریوں کے طور پر اس کی جانچ کی گئی جس میں اسے کوویڈ۔19 انفیشکن میں مبتلا پایا گیا جبکہ اس شخص میں کورونا وائرس سے متعلق ایک بھی علامت ظاہر نہیں ہوئی ہے۔

انتظامیہ کی جانب سے اس شخص کے بارے میں مزید تفصیلات جمع کی جارہی ہے۔

واضح رہے کہ کیرالا میں 22 اور 23 مئی کو بالترتیب 53 اور 62 نئے کیسز سامنے آئے تھے۔