وزیر اعظم مودی کی کٹھوعہ میں ریلی آج

عام انتخابات کے سلسلے میں انتخابی ریلیاں زوروں پر ہیں۔وزیر اعظم نریندر مودی آج کٹھوعہ میں ایک ریلی سے خطاب کریں گے۔

وہ یہاں بی جے پی امیدوار ڈاکٹر جیتیندر سنگھ کی حمایت میں ریلی سے خطاب کریں گے۔

غورطلب ہے کہ 18 اپریل کو یہاں پولنگ ہوگی، جس کی وجہ سے انتخابی تشہیری مہم کو ختم ہونے کے دو دن قبل بی جے پی نے پوری طاقت لگا دی ہے۔

قومی جنرل سکریتری رام مادھو نے وزیر اعظم مودی کی ریلی کو کامیاب بنانے کے لیے ریاست بی جے پی کی جانب سے کیے گئی تیاروں کا جائزہ لیا ہے۔

بی جے پی ریاستی صدر رویندر رینا سمیت پارٹی کے دیگر رہنما کٹھوعہ میں موجود ہیں۔

غورطلب ہے کہ بی جے پی کے امیدوار ڈاکٹر جتندر سنگھ نے سنہ2014 کے عام انتخاب میں غلام نبی آزاد کو ہرایا تھا۔