ڈیلٹا پلس انفیکشن والی ہمسایہ ریاستوں سے آنے والوں کی ہوگی جانچ: یدی یورپا

کورونا وائرس کے ’ڈیلٹا پلس‘ویرئنٹ کے پیش نظر مہاراشٹر، کیرالہ اور دیگر ہمسایہ ریاستوں سے آنے والوں پر سخت نگرانی کی ہدایت۔

بنگلورو: کرناٹک کے وزیر اعلی بی ایس یدی یورپا نے ہفتہ کے روز افسروں کو مہاراشٹر ، کیرالہ اور دیگر ہمسایہ ریاستوں میں کورونا وائرس کے ’ڈیلٹا پلس‘ویرئنٹ کے تعلق سے چوکس رہنے کی ہدایت دی۔

یدی یورپا نے وزراء اور عہدیداروں سے میٹنگ میں کہا ’’ریاست میں سبھی ڈیلٹا پلس ویرئنٹ کے تعلق سے صورتحال قابو میں ہے اور وائرس پر سخت نگرانی کرنے کی ہدایت دی گئی ‘‘۔ مزید پڑھیں:

واضح رہے کہ ہمسا یہ ریاست مہاراشٹر میں بڑی تعداد میں وائرس کے ڈیلٹا پلس ویرئنٹ کے انفیکشن کی رپورٹ ہے، جس کے پیش نظر سرحدی اضلاع کو الرٹ پررکھنے کی ہدایت دی گئی۔

اس کے ساتھ ہی مہاراشٹر اور کیرالہ سے ریاست میں سرحدی علاقوں میں آنے والے لوگوں کی کڑی نگرانی اورکورونا ٹیسٹ کرائے جانے کی بھی ہدایات جاری کی گئی ہیں.