یادگیر: کربا سماج کا تمام سیاسی پارٹیوں پر نا انصافی کا الزام

کرناٹک کربا سماج ضلع یادگیر کے نائب صدر ونپا نے میڈیا سے بات کرتے ہوئے کہا کہ تمام سیاسی پارٹیوں نے صرف ہمارا استعمال کیا ہے لیکن ہمارے سماج کی ترقی کے لئے کسی نے کچھ نہیں کیا یہاں تک کہ ہمیں سیاسی طور پر بھی پیچھے رکھا گیا ہے۔

کرناٹک کے ضلع یادگیر میں کرناٹک کربا سماج کے ذمہ داران نے پریس کانفرنس کرتے ہوئے تمام سیاسی پارٹی کے ذمہ داران سے اپنے سماج کو ان کی آبادی کے مطابق سیاسی طور پر کمزور کرنے کے لیے انھیں ٹکٹ نہ دینے کا الزام لگایا۔اسی بات کو لے کر کربا سماج سے جڑے احباب میں بے چینی پائی جا رہی ہے۔

کرناٹک کربا سماج ضلع یادگیر کے نائب صدر ونپا نے میڈیا سے بات کرتے ہوئے کہا کہ تمام سیاسی پارٹیوں نے صرف ہمارا استعمال کیا ہے لیکن ہمارے سماج کی ترقی کے لئے کسی نے کچھ نہیں کیا یہاں تک کہ ہمیں سیاسی طور پر بھی پیچھے رکھا گیا ہے۔

انہوں نے کہا کہ ہر ضلع میں ہزاروں کی تعداد میں کربا سماج کے لوگ رہتے ہیں۔ باوجود اس کے انہیں سیاسی طور پر کوئی بھی سیاسی پارٹی ٹکٹ نہیں دیتی ہے۔

انہوں نے کہا کہ علاقے کلیان کرناٹک کا جہاں پر 41 اسمبلی حلقہ جات ہیں باوجود اس کے ہمارے سماج کے صرف تین احباب کو ٹکٹ دی جاتی ہے۔ اس لیے ہمارا یہ مطالبہ ہے کہ ہر ضلع میں ہمارے سماج کے رہنماوں کو ٹکٹ دیا جائے۔

اس موقع پر کربا سماج سے جڑے دیگر ذمہ داران نے بھی اس پریس کانفرنس میں شرکت کی۔