ریاست کرناٹک کے ضلع یادگیر کے ڈپٹی کمشنر ڈاکٹر راگاپریا نے شہر کے مسلم تنظیموں کے ذمہ داران علماء اور مشائخ سے ملاقات کی۔
اس موقع پر ڈپٹی کمشنر ڈاکٹر راگاپریا نے کہا کوویڈ ویکسین کی پہلی خوراک 64 فیصد مکمل کرلی گئی ہے جبکہ کوویڈ ویکسین کی دوسری خوراک ضلع یادگیر میں 30 فیصد مکمل ہوئی ہے ۔
مسلم تنظیموں کے ذمہ داران سے ملاقات ڈپٹی کمشنر نے کہا کہ ویکسین سے متعلق لوگوں میں بیدار ی پیدا کرنے کے لئےمختلف مذاہب کے رہنماؤوں سے ملاقات کی گئی تاکہ لوگوں میں ویکسین سے متعلق پائی جارہی غلط فہمیوں کا ازالہ کیاجاسکے ۔
انہوں نے کہا کہ آج کا یہ خصوصی اجلاس اسی لئے طلب کیا گیا ہے کہ تاکہ لوگ کورونا ویکسین لینے کے لئے آمادہ ہوں
انہوںنے سیاسی، غیر سیاسی تنظیم، تعلیمی اداروں کے ذمہ داران، کاروباری افراد سے اپیل کی کہ اپنے دوست احباب اور رشتہ داروں کو ویکسین لینے کے لئے آمادہ کریں تاکہ اس عالمی وبا کا خاتمہ ہو اور اس کے مضر اثرات سے بچا جاسکے
انہوں نہ کہا کہ کوویڈ ویکسین کی اس مہم میں حکومت کے ساتھ ساتھ محکمہ تعلیمات، محکمہ صحت اور محکمہ بلدیہ کے ذمہ داران دن رات اپنی خدمات انجام دے رہے ہیں
ایسے میں عام شہریوں کا بھی فریضہ ہے کہ ضلع یادگیر میں ویکسینیشن کے لئے دیہی اور شہری حلقوں میں ویکسین سے متعلق معلومات فراہم کرائیں
مزید پڑھیں:
ڈاکٹرز اپنی ذمہ داریوں کو سنجیدگی سے نبھائیں: ڈاکٹر وارد
اس موقع پر بیت المال یادگیر کے صدر لائق حسین بادل، مولانا مفتی اقبال احمد، ضلع بی جے پی مائناریٹی کے صدر ریاض احمد، سماجی کارکن تجمل حسین،ضلع وقف افسر عبدالرب، اراکین بلدیہ، قاضی امتیاز الدین صدیقی کے علاوہ یادگیر ضلع کے تعلقہ شاہ پور، شورا پور، گرمٹکل کے کئی علماء اورغیر سیاسی تنظیموں کے ذمہ داران نے اس اجلاس میں شرکت کی ۔
