ضلعی انتظامیہ کی جانب سے مختلف محکمہ جات کی ستائش

کرناٹک کے یادگیر ضلع میں ڈپٹی کمشنر کے دفتر کے نزدیک منعقد ایک پروگرام میں ڈپٹی کمشنر ڈاکٹر راگا پریا نے کہا کہ کورونا کی دوسری لہر روکنے میں عوام کے تعاون سے کامیابی ملی ہے۔ لوگوں ویکسینیشن لینا ضروری ہے۔

کرناٹک کے ضلع یادگیر ڈپٹی کمشنر کے دفتر کے نزدیک منعقد ایک اجلاس میں ڈپٹی کمشنر ڈاکٹر راگا پریا نے کہا کہ مختلف محکمہ جات اور عوام کے تعاون سے کورونا کی دوسری لہر کو روکنے میں کامیاب ہوئے ہیں۔ اب ہماری فکر صرف سو فیصد ویکسینیشن کرنے کی ہونی چاہیے جس کے لئے آپ تمام احباب کا تعاون بہت ضروری ہے۔

انہوں نے کہا کہ نو لاکھ سے زائد آبادی والے ضلع یادگیر میں اب تک ہم نے تین لاکھ لوگوں کو ویکسین دی گئی ہے۔ کورونا کی تیسری لہر کب آئے گی اس بارے میں کسی کو جانکاری نہیں لیکن اس سے پہلے ہم تمام لوگوں کو ویکسین کا پہلا اور دوسرا ڈوز 18 سال سے زائد عمر کے تمام لوگوں کو دینا ضروری ہے۔

اگر ہم اسی طرح ضلع میں ویکسین پر محنت کریں گے تو دیگر دیہاتوں کے گرام پنچایتوں کے ذمہ داران کو بھی یہ احساس ہوگا کہ کیوں نہ ہمارے دیہات کو بھی سو فیصد ویکسینیشن کیا جائے۔
اس موقع پر رکن اسمبلی وینکٹ ریڈی، ٹاؤن پلاننگ چیئرمین بسو، ضلع چیف ایگزیکٹیو آفیسر شلپا شرما، ڈسٹرکٹ ہیلتھ آفیسر ڈاکٹر اندومتی سمیت کئی لوگ موجود تھے۔