عالمی یوم خواتین کے موقع پر شہر بنگلورو کے کاروبار کے میدان میں متحرک خواتین نے انٹرپرینئور فاطمہ کی سرپرستی میں ایک گیٹ - ٹوگیدر منعقد کیا۔
اس مقصد کےساتھ کہ خواتین ملاقات کریں، اپنے بزنس آئڈیاز و تجربات شیئر کریں اور ایک دوسرے کا تعاون کرتے ہوئے اپنے کاروبار کو فروغ دے سکیں۔
اجلاس کی مہمان خصوصی کنڑا ایکٹریس اشویتھی شیٹی نے عالمی یوم خواتین کے موقع پر یہ پیغام دیا کہ خواتین اپنی صلاحیتوں و خوبیوں کو دریافت کریں، کاروبار کے میدان میں داخل ہوں اور جذبہ کے ساتھ اپنے پیروں پر کھڑی ہوکر خود مختار بنیں۔
معروف انٹرپرینئور فاطمہ نے نامہ نگاروں کو بتایا کہ خواتین اگر دیگر خواتین کی مدد کریں ان کا تعاون کریں تو یقیناً یہ ممکن ہوگا کہ سبھی اپنے کاروبار میں باآسانی آگے بڑھ سکتی ہیں۔ صرف خواتین پر مشتمل اس پروگرام میں تقریباً 30 خواتین انٹرپرینئورز نے شرکت کی اور انہوں نے آپس میں اپنے کاروبار کی شروعات سے لے کر ان میں پیش آئے مسائل و چیلنجز تک کے سفر کو شئیر کیا۔
