ای ٹی وی بھارت سے خصوصی بات چیت کرتے ہوئے ڈاکٹر الیاس نے بتایا کہ 'مرکز میں برسراقتدار بھارتیہ جنتا پارٹی کی قیادت آمرانہ رویہ اختیار کئے ہوئے ہے اور عوام مخالف پالیساں بنا رہی ہے جس کی وجہ سے ملک کی جمہوری اقدار کو شدید خطرہ لاحق ہوگیا ہے'۔
اس معاملے پر کہ شہریت ترمیمی قانون کے خلاف عالمی سطح پر اٹھی آوازیں اور خاص طور پر شاہین باغ کی تحریک کی قیادت کرنے والے سماجی و سیاسی کارکنان کو چند ماہ قبل پیش آئے دہلی تشدد میں ملوث ہونے کے الزامات کے عائد کیے جانے کے متعلق کہا کہ یہ بھارتیہ جنتا پارٹی کی زیادتی ہے اور حکومت کے بارے میں اختلافی رائے رکھنے والوں کے لیے انتباہ ہے۔
ڈاکٹر قاسم رسول الیاس نے مزید بتایا کہ ملک کے پیچیدہ حالات میں یہ اشد ضروری ہے کہ نہ صرف سیکولر پارٹیاں بلکہ عوام بھی اٹھ کھڑی ہوں اور ملک کے دستوری اقدار کا تحفظ کریں۔
