'دہلی تشدد فرقہ پرستوں کی ایک منظم سازش'

دارالحکومت دہلی میں شہریت ترمیمی قانون کے خلاف و حق میں مظاہروں کے بیچ ہوئے تشدد کے واقعات کے بعد ریاست کرناٹک میں بھی بے چینی دیکھی جارہی ہے۔ کیوں کہ حال ہی میں ریاست کرناٹک میں شہریت ترمیمی قانون کے خلاف احتجاج سے متعلق بی جے پی رہنماؤں نے متنازع بیانات دیئے تھے۔

بی جے پی رہنما بسوراج یتنال نے مجاہد آزادی ایچ ایس دورے سوامی کو شہریت ترمیمی قانون کے خلاف ورزی کرنے پر پاکستانی ایجنٹ کہا جس سے ریاست کے لوگوں میں سخت ناراضگی دیکھی جارہی ہے۔

اس ضمن ای ٹی وی بھارت سے بات کرتے ہوئے عام آدمی پارٹی بنگلورو کے رہنماؤں نے دہلی تشدد کو فرقہ پرستوں کی ایک منظم سازش بتایا اور بی جے پی پر الزام عائد کیا کہ وہ مذہب کے نام پر ملک ہند کو توڑ رہی ہے۔