بابری انہدام فیصلہ فوجداری نظام کی ناکامی

کرناٹک کانگریس کے ورکنگ ریاستی صدر نے کہا کہ بابری مسجد انہدام کیس میں خصوصی کورٹ کا فیصلہ فوجداری نظام کی ناکامی ہے۔

ریاست کرناٹک کے دارالحکومت بنگلورو میں بابری مسجد انہدام معاملے میں لکھنو کی خصوصی عدالت کے ذریعے دیے گیے فیصلہ پر کرناٹک کانگریس کے ورکنگ صدر سلیم احمد نے کہا کہ ایسا فیصلہ حیران کن اور غیر متوقع ہے۔

انہوں نے کہا کہ دنیا نے کئی ویڈیوز میں دیکھا ہے کہ کیسے راشٹریہ سویم سیوک سنگھ (آر ایس ایس) اور بھارتیہ جنتا پارٹی کے رہنماؤں نے بابری مسجد کوگرایا ہے۔

سلیم احمد نے کہا کہ سپیشل کورٹ کا یہ فیصلہ سنہ 2019 میں سپریم کے فیصلے کے بلکل مترادف ہے اور ناقابل قبول ہے۔

انہوں نے کہا کہ سپیشل کورٹ کے ذریعے دیے گئے اس قسم کے فیصلہ سے یہ ظاہر ہوتا ہے کہ ملک میں فوجداری کا نظام ناکام ہوچکا ہے۔

کرناٹک کانگریس کے ورکنگ ریاستی صدر نے کہا کہ بابری مسجد انہدام کیس میں خصوصی کورٹ کا فیصلہ فوجداری نظام کی ناکامی ہے

انہوں نے مزید کہا کہ سپیشل کورٹ کے اس فیصلہ کے خلاف اپیل کی جائے تا کہ عوام میں عدلیہ کا بھروسہ بحال ہو۔

سلیم احمد نے مرکزی و کرناٹک حکومتوں سے مطالبہ کیا کہ اس فیصلے کے خلاف سپریم کورٹ میں پیٹیشن دائر کی جائے تا کہ خاطیوں کو سزا ملے۔