بنگلورو: کاویری آبی تنازع کی وجہ سے کرناٹک کی راجدھانی بنگلورو میں آج صبح سے بند کا اثر دکھائی دے رہا ہے۔ مظاہرین سڑکوں پر نعرے لگاتے نظر آئے۔ اس دوران پولیس انتظامیہ کی جانب سے سخت انتظامات کیے گئے ہیں۔ کاویری آبی تنازع پر مختلف کسان تنظیموں کی طرف سے بلائے گئے 'کرناٹک بند' کے پیش نظر منڈیا اور بنگلورو کے تمام اسکول اور کالج آج بند ہیں۔ یہاں فریڈم پارک میں احتجاج شروع ہوا۔ لوگوں نے بسلیری کے پانی میں نہایا اور شہر میں الگ الگ طریقے سے احتجاج کیا۔
اسی دوران مظاہرین نے بنگلورو ایئرپورٹ کی گھیرابندی کی کوشش کی۔ ایئرپورٹ پر افراتفری کی وجہ سے 41 پروازیں منسوخ کر دی گئیں۔ اسی درمیان تقریباً مظاہرین کو حراست میں لے لیا گیا۔
وہیں منڈیا کے ڈپٹی کمشنر ڈاکٹر کمار نے کہا کہ 'کاویری پانی کے مسئلہ کو لے کر کنڑ حامی تنظیموں، کسان یونینوں اور کئی دیگر تنظیموں کی طرف سے بلائے گئے بند کے پیش نظر، منڈیا ضلع میں دفعہ 144 نافذ کر دی گئی ہے اور اسکول اور کالج آج بند رہیں گے۔ اس دوران ڈپٹی کمشنر دیانند کے اے نے یہ بھی بتایا کہ بنگلورو شہر کے تمام اسکولوں اور کالجوں میں تعطیل کا اعلان کیا گیا ہے۔
اس دوران ڈپٹی کمشنر نے یہ بھی کہا کہ بنگلورو شہر کے تمام اسکولوں اور کالجوں میں تعطیل کا اعلان کیا گیا ہے۔ عہدیدار نے کہا کہ چونکہ مختلف تنظیموں نے آج 'کرناٹک بند' کی کال دی ہے، اس لیے بنگلورو شہر کے تمام اسکولوں اور کالجوں میں آج چھٹی کا اعلان کیا گیا ہے۔ کاویری ریگولیٹری کمیٹی (سی ڈبلیو آر سی) کی طرف سے تمل ناڈو کو 3000 کیوسک پانی چھوڑنے کے حکم کے بعد کرناٹک میں بڑے پیمانے پر احتجاج ہو رہا ہے۔ بہت سے مظاہرین کا کہنا ہے کہ کاویری ندی ان کی ہے۔
علاوہ ازیں، کرناٹک رکشنا ویدیکے کے کارکنوں کے ایک گروپ نے جمعرات کو بنگلورو میں ریاستی اراکین پارلیمنٹ اور سدارامیا حکومت کے خلاف کاویری کے پانی کے مسئلہ پر زبردست احتجاج کیا۔ کے آر وی کے کارکنوں نے 'کاویری ہماری ہے' کے نعرے لگائے اور کاویری ندی کا پانی تمل ناڈو کو چھوڑنے کے خلاف احتجاج کیا۔
یہ بھی پڑھیں: کرناٹک بند کے دوران کون سی خدمات کھلی و بند رہیں گی؟
کے آر وی خاتون مورچہ کی صدر اشونی گوڑا نے کنڑ لوگوں سے متحد ہونے کی اپیل کی۔ انہوں نے ریاست کے منتخب ارکان اسمبلی سے اپیل کی کہ وہ اس مسئلہ پر بات کریں۔ کرناٹک رکشا ویدیکے سوابھیمانی سینا کے ارکان نے جمعرات کو اداکار سدھارتھ کی پریس کانفرنس میں خلل ڈالا۔ وہ اپنی فلم کے حوالے سے پریس کانفرنس کر رہے تھے۔ اداکار بنگلورو میں اپنی آنے والی فلم 'چکو' کی تشہیر کر رہے تھے۔
