ریاست کرناٹک کے ضلع یادگیر کے 'آر انٹرپرائزرس اینڈ کمپنی' آج بھی وقت مقررہ پر خام مال دستیاب نہ ہونے کی وجہ سے کئی مشکلات کا سامنا کر رہی ہے۔
کمپنی کے مالک رحیم نے ای ٹی وی بھارت کو بتایا کہ 'لاک ڈاؤن کی وجہ سے تمام صنعتیں بند ہونے کے بعد دوبارہ سے جب کاروبار شروع ہونے لگے ہیں تو آج بھی وقت پر مال نہیں مل رہا ہے کیونکہ یہاں مال ملک کی مختلف ریاستوں سے آتا ہے۔
انہوں نے کہا کہ مزدوروں کا مسئلہ آج بھی جوں کا توں برقرار ہے۔ کورونا کے خوف کی وجہ سے لوگ کام پر نہیں آرہے ہیں جس کی وجہ سے مال بہت کم تیار ہو رہا ہے جس کے سبب مارکیٹ کی مانگ کو پورا نہیں کر سکتے۔
رحیم نے مزید بتایا کہ 'کورونا کے بعد پیپر سے تیار ہونے والی چیزوں کی مانگ میں اضافہ ہوا ہے برتن، چاہے کپ، کافی کپ و دیگر کئی اقسام کے پیپر سے تیار ہونے والی اشیاء کی اب زیادہ مانگ ہے لیکن ہم مختلف قسم کے مسائل کی وجہ سے مال زیادہ تیار نہیں کر پا رہے ہیں اور مارکیٹ میں سپلائی نہیں کر رہے ہیں۔
