درگاہ خواجہ بندہ نواز گیسودرازکا جلوس جھیلہ مبارک

ریاست کرناٹک کے گلبرگہ شہر میں درگاہ حضرت خواجہ بندہ نواز کی 615 برس پرانی روایت کو برقرار رکھتے ہوئے مزار کے تاریخی گنبد پر پھولوں کی چادر چڑھانے کی رسم ادا کی گئی۔

سید شاہ علی حسینی سجاد نشین بارگاہ بندہ نواز نے بتایا کہ سینکڑوں برس پرانی روایت کو برقرار رکھتے ہوئے امسال بھی615 واں مزار کے گنبد پر جھیلہ مبارک کی رسم ادا کی گئی۔

انھوں نے مزید کہا کہ یہ بہت ہی قدیم رسم ہے، جس میں پھولوں کی چادر(جھیلہ) کو درگاہ کے گبند پر چڑھایا جاتا ہے۔

پھولوں کی چادر(جھیلہ) کوجلوس کے شکل میں گلبرگہ شہر کے اہم راستوں سے گزارتے ہوئے درگاہ بندہ نواز تک پہنچایا جاتا ہے جس میں شہر کی عوام بڑی تعداد میں شرکت کرتے ہیں۔