کانگریس کمیٹی کا اسمبلی اسپیکر کو خط

کرناٹک کے دار الحکومت بینگلورو میں کرناٹک پردیش کانگریس کمیٹی کی لیگل یونٹ نے اسمبلی اسپیکر کو خط بھیج کر درخواست کی ہے کہ'وہ 13 اراکین اسمبلی کا استعفی قبول نہ کریں۔

خط میں کہا گیا ہے کہ' 13 اراکین اسمبلی نے اصولوں کی پاسداری نہ کرتے ہوئے استعفی دیا ہے اور انھوں نے یہ استعفی اپنی مرضی سے نہیں دیا ہے اس وجہ سے اسے قبول نہ کیا جائے'۔

واضح رہے کہ' بی جے پی کے تمام اراکین اسمبلی بینگلورو پہنچ چکے ہیں اور اس تعلق سے وہ اسمبلی میں عدم اعتماد کی تحریک بھی چلائیں گے۔

بی جے پی کے اراکین اسمبلی کو یہ ہدایتیں دی گئی ہیں کہ جب تک ریاست میں کانگریس و جنتا دل کی مخلوط حکومت گر نہیں جاتی تب تک انھیں بینگلورو میں ہی رکنا ہوگا۔