عیدالاضحی کے موقع پر ہاویری بکرا مارکٹ میں ہجوم

ریاست کرناٹک کا ہاویری شہر بکرا مارکیٹ کی وجہ سے مشہور ہے۔

عیدالاضحی کے موقع ریاست بھر سے مسلمان یہاں آکر بکروں کی خریدی کرتے ہیں جبکہ سال بھر یہاں بکروں کی خرید و فروخت کےلیے عوام کا ہجوم رہتا ہے۔

ہاویری بکرا مارکٹ میں ملک بھر سے آئے مختلف اقسام کے بکرے فروخت کےلیے آتے ہیں۔بکرا مارکٹ میں ہر بدھ کو رات 10 بجے سے جمعرات صبح 10 بجے تک کاروبار عروج پر ہوتا ہے۔ہاویری بکرا مارکٹ میں بنگلور، منگلور، ہبلی، دھاروڈ، داونگرے، شموگہ کے علاوہ دیگر ریاستوں سے عوام بکروں کی حریدی کےلیے آتے ہیں۔یہاں مختلف اقسام کے بکروں کو لایا جاتا ہے جبکہ ہاویری مارکٹ ٹیگر بکروں کےلیے کافی مشہور ہے اور کالاجواری بکروں کی سب سے زیادہ مانگ ہے۔مارکٹ میں جوری، فارم، بینا سنگ والا، اونچی ذات کے علاوہ دیگر اقسام کے بکرے فروخت کےلیے رکھے جاتے ہیں۔عیدالاضحی کے موقع پر مارکٹ میں رونق بڑھ جاتی ہے۔یہاں بکروں کی قیمت پانچ ہزار سے 50 ہزار روپئے کے بکرے موجود ہیں جبکہ 15 کیلو رے 70 کیلو کے بکرے مارکٹ میں دستیاب رہتے ہیں۔عیدالاضحی کی آمد کے پیش نظر ہاویری بکرا مارکٹ میں ریاست بھر کے مسلمانوں کو خریداری میں مصروف دیکھا گیا۔ای ٹی وی کے نمائندے نے مارکٹ میں مختلف لوگوں سے بات کی۔