کرناٹک میں جلوس محمدیﷺ نکالنے کی اجازت دی جائے: شری چنا بسوانند

لنگایت سماج رہنما شری چنا بسوانند سوامی نے کہا کہ 'پیغمبر اسلام کے تعلیمات تمام مذاہب کے ماننے والوں کے لیے ہے۔ ریاستی حکومت سے 19 اکتوبر کو جلوس میلاد النبیﷺ نکالنے کے لیے اجازت دینے کا مطالبہ کیا گیا۔

کرناٹک کے ضلع گلبرگہ میں مرکزی سیرت کمیٹی کے کارگزار صدر ڈاکٹر اضغر چلبل کے ساتھ لنگایت سماج رہنما شری چنا بسوانند سوامی صدر بسوا دھرم پیٹھ بسوا کلیان کوڈال سنگم نے پریس کانفرنس میں کہا کہ 'پیغمبر اسلام کے تعلیمات تمام مذاہب کے ماننے والوں کے لیے ہے۔

تمام‌ مذاہب کے نزدیک پیغمبر اسلام قابل احترام ہیں۔ گلبرگہ، بیدر، حیدرآباد اور کرناٹک کے حلقے میں آتا ہے۔یہ علاقہ صوفی سنتوں کا علاقہ ہے۔

یہاں سے قومی یکجہتی کی مثال دنیا بھر میں جاتی ہے۔بھارت ایک جمہوری ملک ہے۔یہاں پر ہر مذاہب کے ماننے والوں کو اپنے مذہب پر چلنے کا پورا حق ہے۔ ہر مذہب کا ایک مذہبی تہوار قومی یکجہتی کا پیغام دیتا ہے۔

ریاستی حکومت سے 19 اکتوبر کو جلوس میلاد النبیﷺ نکالنے کے لیے اجازت دینے کا مطالبہ کیا گیا۔اس موقع پر گنگایت، دلت، مسلم سماج کے رہنماؤں نے شرکت کی۔